ياترى ممكن نتخلى عن كل شىء حلمنا بيه ... عشان قدرنا كدا ؟
ياترى ممكن نتمرد على الحياه ؟ بس قد ايه احنا قليلين الحيله ...
قد ايه احنا موهومين بقوه نملكها وف الحقيقه احنا ضعفا اووى
بس مش ده الحل ..... الاستسلام للقدر مش حل ....
مش لازم نخضع ... لازم نكون زى ماكنا عاوزين نكون ...
ولو الطريق انتهى فجأه ..... يبقى عملنا اللى علينا ....
لازم نعرف اننا اصحاب رساله وان لحياتنا معنى ..
هدف بنمشى وراه... مش لازم نحققه دلوقت... بس لازم نعرف انه ف يوم كان لينا هدف...
الدنيا مش حلوه زى ما كان نفسنا تكون...
ولا صعبه اووى زى ما فاكرين
الدنيا عامله زى البحر واحنا فيها سمك....
كلنا بنعوم من غير مانعرف اننا عايمين !!!!
فيه سمك بياكل غيرو وفيه سمك بيتاكل... وسمك تانى بيضيع ...
وفيه سمك اشكال والوان واحجام كمان ...
و دايما تلاقى سمكه ساحبه وراها سمك كتييير
وسمكه تانيه فاكره نفسها حوت !
وفيه سمك بيموت غرقان !!! وسمك بيموت مخنوق
مش دى المشكله ... المشكله ان السمك عايش من غير مايعرف انه سمك
سمك ورا سمك ورا سمك .... كلله ف ميه واحده ... مش ينفع يكون غير سمك !
لانه فعلا سمك !